Skátafélagið Hraunbúar

Sérlega hátíðlegur jólafundur drekaskáta var haldinn í gær. Að þessu sinni ákváðum við að bregða út af vananum og hafa fundinn í skálanum Skátalundi við Hvaleyrarvatn. Sökum snjóþyngsla var nokkur svaðilför að komast þangað, og fengu ævintýragjarnir drekaskátar og foreldrar þeirra hraustlegan roða í kinnar áður en áfangastað var náð. Í hlýjum og notalegum skálanum áttum við svo góða stund þar sem sungin voru nokkur vel valin lög og jólasaga lesin áður en gestir gæddu sér á smákökuhlaðborði og heitu kakói. Eftir það var haldið heim á leið, og fengu drekaskátarnir hnútabönd með sér heim til að æfa sig í fríinu.

Takk fyrir önnina, sjáumst hress mánudaginn 9. janúar þegar starfið hefst á ný!

Kveðja,
Sveitarforingjar

Skátafélagið Hraunbúar er með í umboðssölu Sígræna jólatréð sem Skátarnir hafa verið að selja um árabil og prýða þau þúsundir heimila og fyrirtækja. Jólatrén sígrænu eru sérlega vönduð og með 10 ára ábyrgð.

Hægt er að skoða og kaupa jólatrén í Skátamiðstöðinni, Hraunbæ 123.  Ef þú vilt styrkja okkur Hraunbúa, þá nefnir þú það við starfsmann skátana uppí Hraunbæ þegar þú verslar þitt jólatré og mun þá skátafélagið Hraunbúar fá sín umboðslaun.

Ef þú vilt nánari upplýsingar getur þú haft samband við Skátamiðstöðina í Hraunbæ 123 í Reykjavík, sími: 550-9800, netfang jolatre@skatar.is eða hringt til okkar í Hraunbúum í síma 565-0900.

Haldið var skemmtilegt helgarnámskeið fyrir Skátafélagið Hraunbúa þann 18-20. nóvember síðastliðin í skátaheimilinu Hraunbyrgi.  Þar kynnti Bandalag íslenskra skáta fyrir sveitarforingjum, róverskátum, stjórnarmeðlinum og starfsmönnum nýja skátadagskrá.   Um er að ræða nýtt skátaefnið sem alþjóðahreyfing skáta hefur verið að þróa síðustu árin og er nú loksins að verða að verkuleika hér á Íslandi.  Búið er að gefa út 3 handbækur fyrir aldurshópanna 7-15 ára, ásamt stuðningsefni og munu Hraunbúar nýta sér þessa nýju skátadagskrár í sínu starfi strax eftir áramótin.

Skátafélagið Hraunbúar og Hópbílar hf hafa gert með sér samstarfssaming, þess efnis að Hópbílar muni sjá um alla akstursþjónustu fyrir Hraunbúa næstu þrjú árin.  Það er mat okkar Hraunbúa að þessi samningur komi báðum aðilnum til góða og við hlökkum til að starfa með fyrirtæki með skýra umhverfisstefnu og bílbelti í sínum bílum.  Með öryggi barna að fyrirrúmi, þar liggur hagur beggja.

Skátafélagið Hraunbúar

Frá undirritun

Sveitarútilega Rauðskinna fór fram helgina 11-13. nóvember. 20 hressar stelpur mættu í Lækjarbotna á föstudagskvöld tilbúnar bráðskemmtilega útilegu. Haldin var spurningakeppni á föstudagskvöldið ásamt því að stigin voru nokkur vel valin dansspor og var því mikið hlegið af foringjunum ;)

Á laugardagsmorgun voru svo neyðarpokar úr leðri kláraðir ásamt flokkaklemmum. Svo var haldið í létt og skemmtilegt hike þar sem við þurftum að staulast yfir læk, mjaka okkur fram hjá klettum og kannski blotna smá í fæturna. Svo fundum við líka voða sætan helli.
Eftir hike’ið var opinn póstaleikur. Stelpurnar gerðu leðurhnúta á klútana sína, fóru í kimsleik þar sem þær áttu að leita að myndum og muna þær, leystu dulmál og gátur, gerðu svakalegar fatalínur sem teygðu anga sína um allt hús, skrifuðu grein um skátastarf og gerðu stórsniðug skemmtiatriði fyrir kvöldvökuna.

Á meðan póstaleikurinn fór fram voru foringjarnir önnum kafnir við það að baka brauð og lummur. Lummurnar hurfu mjög fljótlega og meðlætið sem var með þeim, a.k.a. NAMMI.

Þá var loks komið að vígslunni sem allir höfðu beðið eftir. 14 stelpur vígðust inn í sveitina en hinar 6 vígðu hjálpuðu til við vígsluna. Ekki má uppljóstra of miklu um þessa fornu vígslu Rauðskinna en það má með sanni segja að hún hafi verið mjög eftirminnileg fyrir alla :) Kertaljós og róleg stemmning var í skálanum á þessum tímapunkti sem var ef till vill kærkomið fyrir alla, enda búin að vera mikil læti og mega fjör!

Þegar vígslunni var lokið var kvöldmatur þar sem Kolfinna fór á kostum í spaghettís og hakks eldamennsku. Takk Kolfinna!

Svo var hress kvöldvaka með stórskemmtilegum atriðum frá stelpunum og einu skrýtnu frá foringjunum.

Þá var kominn háttatími, en fyrst fengu allir heitt kakó. Allir sváfu vært og var vaknað á sunnudagsmorgun, tekið til og haldið heim á leið :)

Takk fyrir helgina stelpur hún var frábær!

Kveðja sveitarforingjar,

Birna, Marta og Mekkin

Ekki má gleyma Kolfinnu og Maríu sem veittu ómetanlega hjálp um helgina :) Takk!

Howdy Hraunbúar!

Loksins er skráning Hraunbúa á Landsmót skáta 2012 hafin!  Með því að smella á linkinn hér fyrir neðan komist þið inn á skráningarsíðu Hraunbúa. Mikilvægt er að vanda sig við skráningu og fylla allt saman vel og vandlega inn. Muna að skrá skátann sem: Participant.

Ekki er búið að ákveða lokafrest skráningar, en það er samt best að skrá sig sem fyrst, svo fararstjórn fái sem réttasta mynd af fjölda til að geta samið við rútufyrirtæki og ákvarðað sameiginlegan kostnað.

Aðrar landsmótsfréttir:

Önnur fjáröflun Hraunbúa er að fara af stað í þessari viku, og munu allir skátar fá með sér bréf heim um hana. Einnig munu upplýsingar verða sendar foreldrum í tölvupósti. Stefnan er tekin á tvær til þrjár fjáraflanir til viðbótar eftir áramót. Nú þegar eru nokkrir skátar næstum því búnir að safna fyrir öllu landsmótsgjaldinu, svo það er um að gera að vera duglegur í fjáröflununum!

Fyrir jól fá skátar og foreldrar þeirra sent upplýsingahefti um landsmót, þar sem fararstjórn segir frá öllu sem komið verður á hreint þá. Einnig verður foreldrafundur í lok janúar.

Ekki hika við að hafa samband ef einhverjar spurningar vakna!

Tengill á skráningu fyrir Hraunbúa:

Tengill á heimasíðu landsmóts:

http://www.skatar.is/landsmot2012/

Bestu kveðjur,

Fararstjórn Hraunbúa

Una Guðlaug, María Björg, Kolfinna og Birgir Snær

Tölvupóstur: landsmot@hraunbuar.is