Markmiðið með notkun hvatakerfisins er að sýna framfarir einstaklingsins sem fela í sér aukna reynslu, hæfni og þroska. Hvatakerfið er byggt með þarfir hvers aldursstigs í huga og því eru hvatatákn afhent mjög ört á yngri aldursstigum en sífellt sjaldnar eftir því sem skátinn eldist.
Drekaskátar (7 – 9 ára)
Við vígslu fá drekaskátar fyrsta merki drekaskáta. Þá safna drekaskátar límmiðum eða stimplum á spjald í skátaheimilinu. Hægt er að fá tvo límmiða fyrir hvern viðburð sem skátinn tekur þátt í. Annar er fyrir að koma á réttum tíma og í skátabúning og hinn er fyrir þátttöku í anda skátaheitis og skátalaga. Pláss er fyrir 25 límmiða á einu spjaldi. Hægt er að hafa sérstaka límmiða fyrir einstaka viðburði. Þegar skátinn hefur lokið einu spjaldi getur sveitarforingi veitt honum sérstaka viðurkenningu og síðan hefur skátinn söfnun límmiða á nýtt spjald. Ef skátinn hefur lokið a.m.k. tveimur spjöldum við lok starfsárs er hann tilbúinn til þess að hefja næsta áfanga og fær merki því til staðfestingar. Hægt er að fá þrjú merki á starfstímabilinu (eitt á ári). Brons, silfur og gull.
Fálkaskátar (10 – 12 ára)
Við vígslu fá fálkaskátar fyrsta merki fálkaskáta. Þá safna fálkaskátar perlum á streng sem er hafður sýnilegur. Skáti fær perlu fyrir að ljúka vinnu að markmiði á fullnægjandi hátt (rifflaðar perlur) og fyrir þátttöku í dagsferðum, útilegum og skátamótum (sléttar perlur). Ef skátinn hefur safnað að minnsta kosti 15 markmiðaperlum við lok starfsárs er hann tilbúinn til þess að hefja næsta áfanga og fá merki því til staðfestingar. Hægt er að fá þrjú merki á starfstímabilinu (eitt á ári).
Markmið starfsins eru sett af sveitarráði sem í sitja sveitarforingi, aðstoðarsveitarforingjar og flokksforingjar. Sveitarráðið ákveður hvaða verkefni sveitin tekst á hendur til þess að vinna að markmiðunum. Nokkur verkefni geta myndað eina heild. Eðli markmiðsins ræður því hvernig mati á því er háttað. Stundum er nóg að skátinn taki þátt í verkefnum, leikjum og umræðum. Stundum þarf skátinn að sýna fram á ákveðna færni. Kynna þarf öllum skátunum í sveitinni þau markmið sem unnið er að. Þeir þurfa einnig að vita fyrir fram hvaða kröfur eru gerðar til þeirra til þess að þeir fái afhenta perlu. Hvetja má skátanna til þess að skreyta perlurnar sínar og afhenda sérstakar perlur í útilegum, dagsferðum og við önnur sérstök tækifæri.
Dróttskátar (13 – 15 ára)
Við vígslu fá dróttskátar fyrsta merki dróttskáta. Þá safna dróttskátar hvatamerkjum á hnút. Skáti fær hvatatákn fyrir að ljúka vinnu að markmiði á fullnægjandi hátt og fyrir þátttöku í dagsferðum, útilegum og skátamótum. Dróttskátinn fær hvatatákn fyrir hver fimm markmið sem unnið er að eða ferðir sem farið er í. Hægt er að fá þrjú hvatatákn á ári, þá hefur skátinn unnið að 15 markmiðum með fullnægjandi hætti. Ef skátinn hefur safnað að minnsta kosti 3 hvatatáknum við lok starfsárs er hann tilbúinn til þess að hefja næsta áfanga og fá merki því til staðfestingar. Hægt er að fá þrjú merki á starfstímabilinu.
Hvatatáknin geta verið margskonar en sama matskerfi liggur að baki:
- Hvatatákn gefin út af BíS (gull, silfur og brons).
- Frjáls sköpun dróttskátans.
- Dróttskátarnir skapa sitt eigið hvatatákn fyrir þá vinnu sem þeir hafa lagt í markmiðin. Hvatatáknið hefur þá persónulegri skírskotun og/eða er tákn fyrir upplifun og reynslu sveitarinnar.
Markmið starfsins eru sett af sveitarráði sem í sitja sveitarforingi, aðstoðarsveitarforingjar og flokksforingjar. Sveitarráðið ákveður hvaða verkefni sveitin tekst á hendur til þess að vinna að markmiðunum. Nokkur verkefni geta myndað eina heild. Eðli markmiðsins ræður því hvernig mati á því er háttað. Stundum er nóg að skátinn taki þátt í verkefnum, leikjum og umræðum. Stundum þarf skátinn að sýna fram á ákveðna færni.
Rekkaskátar (16 – 18 ára)
Við vígslu fá rekkaskátar fyrsta merki rekkaskáta. Ef rekkaskátar hafa lokið að minnsta kosti 15 markmiðum á viðunandi hátt, tekið þátt í fjórum dagsferðum og fjórum útilegum eða skátamótum á starfstímabilinu er hann tilbúinn að hefja næsta áfanga og fær afhent merki þess áfanga. Hægt er að fá þrjú merki á starfstímabilinu auk lokamerkisins sem er forsetamerkið.
Kröfur til forsetamerkis:
- Hafa tekið þátt með fullnægjandi hætti í dagskrá aldursstigsins.
- Hafa lokið eftirfarandi sérprófum:
- Skyndihjálp
- Stjórnun
- Vetrarlíf
- Eitt að eigin vali
- Halda ferilskrá þar sem ritað er í að lágmarki markmiðin, verkefni, dagsferðir, útilegur/mót og önnur verkefni. írangursmat markmiða; kvittanir og dagsetning. Ferilskrá á að rita í sérstaka bók sem er vatnsheld þannig að hún á að þola mikinn ágang. Síðasta síða bókarinnar á að vera Forsetamerkissíða þar sem ritað er nafn þess sem tekur við merkinu, númer merkis og undirskrift. (Díí vinnur að hönnun bókarinnar.)
Róverskátar (19 – 22 ára)
Við vígslu fá róverskátar afhent fyrra merki róverskáta og róverstaf sem er táknrænn fyrir það að skátinn er að hefja ferðina sem er þema þessa aldursstigs.  Þegar skátinn hefur ferðina að þá er hann boðinn velkomin með sérstakri athöfn á vegum róversveitarinnar. Þar velur Róverskátinn sér markmiðin sem hann vinnur að næstu þrjú árin og skrifar undir samning um starfið sem sveitarforingi staðfestir. Að því loknu fær róverskátinn afhentan Róverstafinn og merki með táknmynd aldursstigsins. Þegar Róverskáti hefur unnið að helmingi markmiða þá getur hann hafið vinnu að lokatakmarkinu og fær til marks um það afhentan sérstakan skjöld á stafinn. Þegar vinnu að öllum markmiðum er lokið fær hann að taka þátt í kveðjuathöfn róversveitarinnar sem tákn um að Róverskátinn sé tilbúinn að takast á við lífið upp á eigin spýtur.
Hvatt er til að róverskátar taki sérpróf.
Róverskáti heldur ,,Ferilskrá†þar sem ritað er í að lágmarki markmiðin, verkefni, dagsferðir, útilegur/mót og önnur verkefni. írangursmat markmiða; Kvittanir og dags. Ferilskrá á að rita í sérstaka bók sem er vatnsheld þannig að hún á að þola mikinn ágang.
Loading ...