Skátafélagið Hraunbúar

Við viljum minna Rauðskinnur á skátafundinn á eftir. Fundurinn verður tvískiptur og stórskemmtilegur, því í dag munu tveir læknanemar mæta á svæðið til að kenna stelpunum skyndihjálp.

Sjáumst hressar á eftir!

Kolfinna og María sveitaforingjar

Við viljum minna Rauðskinnur á að koma klæddar til útiveru á fundinn á eftir, því stærstur partur fundarins mun fara fram utan dyra.

Einnig – ef einhver á áttavita, eða hefur aðgang að svoleiðis, þá væri alveg glimrandi að kippa honum með:)

Sjáumst á eftir!

Kolfinna og María sveitaforingjar

Á fundinum á morgun munum við halda áfram þar sem frá var horfið á síðasta fundi, svo gott væri ef stelpurnar væru búnar að æfa sig að binda nokkra hnúta heima svo hnútaspjaldagerðin gangi greiðlega fyrir sig.

Einnig viljum við minna á mikilvægi þess að koma í útifötum á hvern fund og í skátabúningi, það er aldrei að vita hvað okkur dettur í hug að gera:)

Sjáumst á morgun,

Kolfinna og María sveitaforingjar

Um helgina héldu Rauðskinnur í sveitarútilegu í Lækjarbotna. 31 Rauðskinna mætti og var mikið fjör og mikið brallað, meðal annars fórum við í hike, stórskemmtilegan póstaleik, vígðum nýliðana og héldum rosalega fjöruga og skemmtilega kvöldvöku.

Útilegan var vel heppnuð í alla staði og það voru þreyttar en glaðar stelpur sem fóru heim um hádegið í gær. Mikið var tekið af myndum og verður reynt að koma þeim inn á heimasíðuna sem allra fyrst.

Enn er talsvert eftir af óskilamunum, allt frá sokkum upp í útiskó og bakpoka. Hægt er að vitja óskilamunanna í Hraunbyrgi.

Á fundinum hjá Rauðskinnum á morgun munum við undirbúa útilegu helgarinnar, við munum meðal annars fara yfir pökkun í bakpoka og samsetningu matseðils fyrir helgarferð. Sérstaklega mikilvægt er að mæta ef ætlunin er að koma með í útileguna, sem verður ein magnaðasta útilega Rauðskinna til þessa:)

Ert ÞÚ búin að skrá þig?

Sjáumst eldhressar á morgun,

Kolfinna og María sveitaforingjar

PS Upplýsingar um útileguna er að finna í eldri frétt, aðeins neðar á síðunn.

Kæru foreldrar/forráðamenn og skátar

Helgina 5.-7. febrúar verður sveitarútilega Rauðskinna. Að þessu sinni liggur leiðin í Lækjarbotna, skála í eigu skátafélagsins Garðbúa í Reykjavík. Skálinn er um 14 km austur af Reykjavík undir hlíðum Selfjalls ofan við Heiðmörk. Hann er í landi Kópavogs í Lækjarbotnalandi, í um 10 mínútna fjarlægð frá Rauðvatni í  átt að Hellisheiði.

Greiðslum og skráningum í útileguna þarf að vera lokið fimmtudagskvöldið 4. febrúar. Útilegugjaldið er 3000 kr. Lesa alla frétt »