Skátafélagið Hraunbúar

„Höldum hópinn krakkar“ segja Guðrún, Jón Þþor og Smári í sjötta skiptið þegar við röltum að hliði eitt með passann og miðann okkar í sveittum höndunum, alveg að kikna í hnjánum af spenningi. Ofurmeikaða flugfreyjan brosir gervilega til okkar og hrifsar flugmiðann til sín. „Góða ferð“ segir hún með ofurbleikum vörum og við höldum áfram að labba í átt að rananum. Þegar allir eru búnir að planta sér í sér í sætin og spenna beltin, rís flugvélin í gegnum Íslandsskýin sem hverfa svo brátt sjónum okkar er við höldum á vit ævintýranna.

 Dagur 5

„Hejalleihubba“ æpum við til Svíanna sem buðu okkur í kvöldmat eitt kvöldið og komumst að því að sænskir krakkar (sænsklingar) eru súpersætir og skemmtilegir. Sólin gladdi okkur þennan dag með geislum sínum og þá var æskilegt að bera sólarvörn númer 50 á allan kroppinn.

Við erum níu stelpur saman í tjaldi og ennþá eru nokkrir maurar þó við séum búnar að tortíma búinu þeirra.

Í kvöld er hópur A að elda eitthvað ljúffengt og svo fáum við kannski eftirrétt ef einhver hjálpar strákunum. Dagskráin í dag var skátahimnaríki, við vökuðum um sjö eins og vanalega og fuglarnir kvökuðu blítt í ástartón, írsku skátarnir léku á sekkjapípurnar sínar og þýsku trúarskátarnir söngluðu og klöppuðu inni í svarta kirkjutjaldinu sínu. En við Hraunbúar borðuðum eðal morgunmat með Georgíu fólkinu sem býr hérna hjá okkur, reyndar hafa þau gleymt að flokka ruslið sem þarf alltaf að gera. Þegar allir voru tilbúnir fyrir daginn var lagt af stað í „People“ þar sem við fórum í leiki með spánverjum og kysstum axlirnar á hvoru öðru í heilsubælislabbi (röð) og svo fórum við í samverustund með róandi tónlist. Eftir dagskrána hittum við þjóðverjavini okkar og gerðum svona vinagátu, þá þurfa að vera vinir frá tveimur mismunandi löndum og leysa spurningar og þrautahefti. Þjóðverjarnir vissu ekkert um sænska peninga en við redduðum því. Sólin er nú að setjast og kvöldmaturinn ilmar af ást og guðdómlegri hamingju. Við bíðum spenntar eftir ævintýri morgundagsins.

 Hjördís Gréta, Sigurrós og Berglind.

Nokkrar myndir

Í fyrramálið leggja hressir Hraunbúar af stað á Alheimsmót skáta sem haldið verður í Svíþjóð. Um 270 íslenskir skátar fara á mótið en gert er ráð fyrir að um 38 þúsund manns taki þátt. Alls eru 21 Hraunbúi að fara á mótið en þar af eru 18 þátttakendur, 2 sveitarforingjar og 1 í fararstjórn.

Hraunbúar eru með Vífli í sveit og heitir sveitin Hatta. Við munum reyna skrifa inn fréttir hér á heimasíðuna en einnig verður hægt að fylgjast með á www.skatar.is/jamboree2011 og á http://www.facebook.com/icejamboree

Fimmtudaginn 3. febrúar verður haldinn fundur fyrir þátttakendur og forráðamenn þeirra í sal Skátafélagsins Vífils að Bæjarbraut 7 í Garðabæ og hefst sá fundur kl. 19.30 og stendur yfir til 20.30. Það munu sveitarforingjar kynna sig og farið verður yfir starf sveitarinnar næstu mánuði.
Eftir þann fund ætla sveitarforingjar og þátttakendur að halda sveitarfund þar sem lagt verður upp með að þátttakendur í sveitinni kynnist hver öðrum. Sveitarfundinum líkur kl. 22.00.

Fararstjórn á Alheimsmót skáta í Svíþjóð 2011 boðar til foreldrafundar, miðvikudaginn 17. nóvember kl 20:00 í Jötunheimum, Skátaheimili Vífils, við bæjarbraut 7, Garðabæ.

Mikilvægt er að foreldrar allra þátttakenda úr Hraunbúum mæti á þennan fund til að fá upplýsingar um mótið.

Tölvuálfar báðu Kilkefara um að senda okkur smá fréttir af og til. Hér kemur fyrsta fréttin.

Hópurinn hittist á Keflavíkurflugvelli árla þriðjudagsmorguns og vélin fór i loftið kl 8. Við lentum í Helsinki um hálf þrjú á finnskum tíma og við tók tveggja tíma rútuferð á mótssvæðið. Mótssvæðið er gjörsamlega gerólíkt því sem við eigum að venjast á Íslandi því það er risastór skógur en ekki grasflöt.
Þegar við komum á svæðið hittum vid finnska jafnaldra okkar sem eru með okkur í tjaldbúð. Vid erum mikið búin að vera med þessum krökkum í gegnum mótið og allir eru orðnir vinir.
Dagskráin hefur verið ágæt og verið allt frá því að vera skemmtilegir póstar svo sem vatnadagskra eða þjónustustörf við mótið.
Veðrið hefur verið með besta móti og sól nánast allan tímann. Eini gallinn er allt rykið í loftinu og jarðveginum sem þyrlast upp þegar maður stígur niður sem kemur útaf þurkinum.
Núna eru 2 heilir dagar eftir af mótinu en eftir það förum við í heimagistingu í Helsinki þar sem við fáum að kynnast lífi heimamanna ásamt fleiru.
Öllum líður vel og allir hafa skemmt sér konunglega hér í Finnlandi.
Með bestu kveðju,

Kilke-farar