Skátafélagið Hraunbúar

Nú fer að líða að því að hulunni verði svipt af nöfnum rekkaskátaforingja vetrarins. Allir rekkaskátar ættu að hafa fengið bréf með upplýsingum um fyrsta fundinn. Ef þú ert núverandi eða tilvonandi rekkaskáti og hefur ekki fengið fundarboð, hafðu þá samband við skrifstofu Hraunbyrgis til að fá upplýsingar.

Í gær var margt um manninn og mikið fjör í Hraunbyrgi! Gífurlegt magn af pylsum rann ljúflega niður í spennta núverandi og tilvonandi skáta og foreldra þeirra. Hoppukastalar og leiktæki vöktu mikla lukku og eftirvænting ríkti fyrir hinu skemmtilega starfsári sem er framundan.

Fundir hefjast mánudaginn 30. ágúst, og fundartíma má sjá hér hægra megin á síðunni. Hægt er að skrá sig í skátana á skrifstofunni, sem verður opin á meðan á fundum stendur.

Óskilamunir frá Vormóti og útilífsnámskeiðum sumarsins eru í Hraunbyrgi, og er ennþá hægt að koma við og líta á þá.

Sjáumst í næstu viku!

Miðvikudaginn 25. ágúst ætla Hraunbúar að kynna skátastarf vetrarins. Fjörið hefst klukkan 18:00 í Hraunbyrgi. Boðið verður upp á pylsur, djús og kaffi. Einnig verða hoppukastali og leiktæki á svæðinu og klifurveggurinn verður opinn. Sveitarforingjar verða á staðnum til að kynna dagskrá vetrarins.

Óskilamunir frá sumrinu verða á borði og viljum við hvetja alla til að kíkja á þá.

Sjáumst á miðvikudaginn!

Nú styttist óðfluga í að skátastarfið hefjist aftur á nýjan leik. Kynningarkvöld verður haldið miðvikudaginn 25. ágúst í Hraunbyrgi. Nánari upplýsingar um upphaf starfsins og kynningarkvöldið eru væntanlegar á næstu dögum.

Hraunbúarnir 11 sem héldu til Finnlands hafa nú komið sér fyrir á mótssvæðinu, en þau voru með þeim fyrstu á staðinn (Evo). Tjaldsvæðið er svolítið öðruvísi en við eigum að venjast, en tjaldað er á skógarbotni og yfir  þeim gnæfa 20 m há tré.

Í gær, fyrsta daginn, var mjög heitt 35 stig. Að sögn Tóta fararstjóra hefur ferðin gengið vel, mótsetningin var í gærkvöldi og formleg dagskrá hefst í dag fimtudag.

Tvær myndir fundust á heimasíðu mótsins þar sem nokkrum Hraunbúmum bregður fyrir að gæða sér á heilgrilluðum grísum í gærkvöldi.

http://www.flickr.com/photos/kilke2010/4836734705

11 Hraunbúar héldu í morgun til Finnlands á skátamót, Mótið er haldið í tilefni 100 ára skátastarfs í Finnlandi og er búist við um 10.000 skátum frá Finnlandi og öðrum löndum.

Eftir skátamótið halda þau til Helsinki og gista þar í þrjár nætur heima hjá finnskum skátum.

Hraunbúar óska þeim góðra ferðar og vonumst við til að heyra meira frá þeim á ferð sinni um Finnland.

Síðu mótsins má sjá hér