Skátafélagið Hraunbúar

fyrir hafnfirska æsku

Greinar frá október, 2016

Vígsla hjá Rauðskinnum í dag og “Jól í skókassa” á næsta fundi

október 18th, 2016 by Kolfinna Snæbjarnardóttir

Hæhó!

Það var mjög gaman á vígslufundinum hjá Rauðskinnum í dag. Þrettán stelpur vígðust í dag og urðu fullgildar Rauðskinnur í mjög leynilegri og spennandi vígsluathöfn þar sem eldri stelpurnar hjálpuðu mjög mikið til. Í lokin fengu allar stelpurnar skátaklúta, skátamerki og drukku háleynilegt Rauðskinnublóð. Í lokin var tekin hópmynd sem sjá má á facebook síðu Hraunbúa (ekki hægt að deila mynd hér vegna tæknilegra atriða).

Við viljum einnig minna á að á næsta fundi, 25. október, munum við gera verkefnið „Jól í skókassa“. Nánar má lesa um verkefnið á heimasíðunni: http://kfum.is/skokassar/skokassar/. Hver flokkur sameinast um að gera einn skókassa. Hraunbúar munu kaupa tannbursta og tannkrem til að setja í hvern kassa en hitt munu skátarnir sjálfir koma með. Við mælum með að finna hluti á heimilinu sem eru lítið/ekkert notaðir og vel með farnir og heimilið má missa í þessa gjöf. Það þarf ekki að kaupa neitt. Á fundinum í síðustu viku skiptu stelpurnar með sér verkum og ákváðu hvað ætti að fara í kassana og hver á að koma með hvað í næstu viku en þá pökkum við þeim inn og göngum frá skókössunum.

Helgina 28-30. október er síðan Félagsútilega Hraunbúa á Úlfjlótsvatni, en stelpurnar fengu upplýsingabréf um útileguna fyrir tveimur vikum. Skráning í þessa útilegu er hafin og hvetjum við alla skáta til að skrá sig :)

Hlökkum til að sjá ykkur í næstu viku!
Thelma, Jóhanna, María og Kolfinna sveitaforingjar.

Flokkur: Almennt | Comments Off on Vígsla hjá Rauðskinnum í dag og “Jól í skókassa” á næsta fundi

Vígslufundur hjá Rauðskinnum

október 11th, 2016 by Kolfinna Snæbjarnardóttir

Kæru skátar og foreldrar/forráðamenn

Á næsta fundi, þann 18.október, verður vígsla fyrir þær Rauðskinnur sem enn eru óvígðar. Athöfnin verður mjög hátíðleg, leynileg og skemmtileg og í lok athafnarinnar verða allar stelpurnar orðnar að vígðum Rauðskinnum. Vegna vígslunnar fengu stelpurnar vígslugrunninn á skátafundinum í dag sem gott er að vera búinn að lesa yfir fyrir næsta fund. Það verða spurningar og þrautir úr þessum grunni í vígslunni. Þeir skátar sem eru nú þegar vígðir munu hjálpa til við vígsluna og leggja þrautir fyrir þær óvígðu og þess vegna er mjög mikilvægt að allir mæti.

Hlökkum til að sjá ykkur í næstu viku!

Thelma, Jóhanna, María og Kolfinna sveitaforingjar.

Flokkur: Rauðskinnur | Comments Off on Vígslufundur hjá Rauðskinnum