Skátafélagið Hraunbúar

Hraunbúinn Jakob Guðnason vann það afrek að synda til Viðeyjar á skátamót um síðustu helgi. Jakob synti á 19 mínútum.

Ætli Viðeyjarsund muni verða að svipuðum árlegum viðburði og Arnarfellshlaup? Þarf ekki Landnemi að setja nýjan besta tíma?

Nú um helgina fór fram 69. Vormót Hraunbúa. Tæplega 90 þátttakendur voru á mótinu ásamt fjölda starfsmanna og annara í fjölskyldubúðum. Mótið heppnaðist mjög vel og var veðrið ekkert til að kvarta yfir. Mótsstjórn þakkar þátttakendum kærlega fyrir helgina því án ykkar hefði ekki verið neitt mót! Óskilamuni er hægt að nálgast í Hraunbyrgi, Hjallabraut 51 á skrifstofutíma.

Von er á myndum frá mótinu á næstunni.

Velferðarsjóður Barna hefur styrkt Útilífsskóla Hraunbúa um lækkun á þátttökugjöldum í sumar og lækkar hvert þátttökugjald um 3000 kr. Innifalið í styrknum er einnig ávaxtahressing fyrir börnin. Útilífsskóli Hraunbúa þakkar Velferðasjóði Barna kærlega fyrir þennan góða styrk  og vonum við að þessi styrkur mundi nýtast fólki vel.

Síðasti fundur Riddara var haldinn síðastliðinn þriðjudag. Farið var yfir Vormót og ættu allir að vera á fullu að undirbúa sig fyrir mótið. Ef einhverjar spurningar vakna varðandi ferð Riddara á Vormótið, ekki hika við að hafa samband við sveitarforingja í síma 846 4578 eða senda tölvupóst á smari@hraunbuar.is

69. Vormót Hraunbúa verður haldið í­ Krýsuví­k 12.-14. júní­ nk. og verður þema mótsins “Lífið er leikur”

Að venju verður mótið byggt upp á virkri þátttöku skátaflokkanna en boðið verður upp á skemmtilega pósta þar sem kennir ýmissa grasa.

Eins og undanfarin ár verður boðið upp á rekka- og róverskátadagskrá, mikinn söng og skemmtun. Allir skátar sem koma á Vormót í­ Krýsuví­k koma til að upplifa, taka þátt, hafa frumkvæði, hitta aðra og umfram allt að njóta þess að vera brosandi með öðrum skátum.

Hátí­ðarkvöldvaka verður að venju á laugardagskvöldinu kl. 20 og kakó og kex á eftir og eru gamlir skátar og foreldrar sérstaklega velkomnir.

Svæðið verður opnað kl. 16 á föstudeginum og mótssetning verður kl. 20. Mótsslit verð á sunnudeginum kl. 16.

Skráning er hafin á http://vormot.hraunbuar.is

Vormótið á Facebook! – Hátíðarvarðeldurinn á Facebook

Verð:
Almennur þátttakandi: 3500 kr.
Vinnubúðir (Rekka- og Róverskátar): 3500 kr. (hægt að sækja um 50% endurgreiðslu innan tveggja vikna frá mótsslitum)

Fjölskyldubúðir: 2500 kr. per tjald (miðað við 2 fullorðna)
Viðbótargjald fyrir 10 ára og eldri: 1500 kr.
Frítt fyrir 9 ára og yngri.

Innifalið í mótsgjaldi er öll dagskrá, tjaldsvæði, kvöldkaffi 2 kvöld, mótsbók og mótsmerki.