Skátafélagið Hraunbúar

Loksins hefur vefnefnd Hraunbúa fengið í hendurnar langþráð PDF skjöl sem innihalda þau fjögur tölublöð sem gefin voru út af mótsblaðinu Labba á síðasta Vormóti.

Endilega kíkið á þetta og sjáumst hress á Vormóti Hraunbúa helgina 8.-10. júní nk.

Labbi, 1. tbl 2011

Labbi, 2. tbl 2011

Labbi, 3. tbl 2011

Labbi, 4. tbl 2011

Þá er komið að því!

72. Vormót Hraunbúa verður haldið  í Krýsuvík 8. – 10. júní n.k.

Þema mótsins í ár er „eldur, vatn og ævintýr“ og má gera ráð fyrir skemmtilegri dagskrá í anda þemans.

Hver og einn ætti að geta fundið eitthvað við sitt hæfi hvort sem það er eldheitur varðeldurinn, rennblautt vatnasafaríið eða klikkaðir ævintýraleikir :)

Á laugardagskvöld verður hátíðarvarðeldur með kvöldvöku að skátasið. Ekki láta þig vanta!

Verð:
Almennur þátttakandi: 4.000 kr.
Vinnubúðir (Rekka- og Róverskátar): 4.000 kr. (hægt að sækja um 50% endurgreiðslu innan tveggja vikna frá mótsslitum – fer eftir vinnuframlagi)

Fjölskyldubúðir: 3.000 kr. per tjald (miðað við 2 fullorðna)
Viðbótargjald fyrir 10 ára og eldri: 1.000 kr.
Frítt fyrir 9 ára og yngri.

Skráning er hafin hér!

Einnig er hægt að fylgjast með Vormóti á facebook.

Hlökkum til að sjá þig!

Stjórn Hraunbúa leitar að hæfum einstaklingi í stöðu skólastjóra Útilífsskóla Hraunbúa.

Skólastjóra útilífsskóla 21 ára +

Helstu verkefni og ábyrgð:

• Ber ábyrgð á daglegri stjórnun, skipulagningu og umsjón Útilífsskólans
• Ber ábyrgð á markaðsetningu og auglýsingum fyrir Útilífsskólann
• Undirbúningur og skipulagning námskeiða
• Umsjón með starfsmannamálum: ráðningu starfsmanna, verkskipulagi,vinnutímum starfsmanna og samskipti við vinnuskóla.
• Þjálfun starfsfólks Útilífsskólans
• Ber ábyrgð á daglegum rekstri og innkaupum

Hæfniskröfur:

• reynsla af stjórnun
• reynsla af skátastarfi
• sjálfstæð vinnubrögð
• færni í mannlegum samskiptum
• áhugi og metnaður í starfi

Nánari upplýsingar fást hjá Nönnu Guðrúnu í síma 823-5028.

Umsókn skal senda með tölvupósti á utilifsskoli@hraunbuar.is og skal berast í síðasta lagi 15.maí 2012.

Við viljum minna alla á að skráningu Hraunbúa á Landsmót skáta 2012 fer senn að ljúka, en síðasti skráningar og greiðsludagur er 30.apríl næstkomandi. Skráning fer fram á þessum link: http://secure.skatar.is/jm/Register/484/4E9629B8AE33D26E87328C3C86C74264,

Landsmót er einstakt ævintýri sem allir skátar ættu að upplifa og því viljum við fá sem allra flesta Hraunbúa með okkur á Úlfljótsvatn í sumar! Ef einhverjar spurningar vakna, varðandi mótið sjálft, skráninguna eða eitthvað annað, ekki hika við að hafa samband við okkur á landsmot@hraunbuar.is

Bestu kveðjur frá fararstjórninni

Kolfinna, María, Ásgeir og Biggi

Sæl öll

Því miður verðum við að fresta sveitarútilegu Riddara sem átti að hefjast í dag vegna ónógrar skráningar. Sveitarútilegan verður í staðinn haldin í maí, í stað dagsferðar á Hvaleyrarvatn. Meira um það þegar nær dregur.

Kveðja,

Andri

Fundurinn í dag var tvískiptur. Sumir voru á fánaborgaræfingu en hinir voru að hanna tjalbúðarhlið og fleira skemmtilegt fyrir Landsmót í sumar. Viljum við enn og aftur benda ykkur á að síðasti séns til að skrá sig á Landsmót er 30. apríl. Því fyrr, því betra samt.

Núna um helgina ætlum við í rosalega spennandi hellaútilegu. Þið getið skoðað foreldrabréfið með því að smella á „Lesa alla frétt“.